Lala Wa'auri

Lala Wa'auri

Na u angeraigo u fatou dodo
lala wa'auri sero maokho
Hulo afokho wo'angeraigo
me mboto sorasoi sa nasa afokho

Lo aetu itoro-toro todo
ba wofanogu ero maokho
we'amoi wohalowo ba dano
he ha fa'oriri utaha utaogo

Fangaro-ngaro ziso ba dodo
fa'anumana khogu lala wofano
zara u'a'u'o wo halowo
lo'usondra gegu sero ma'okho

Ha tawa horo zilo mamalo
itaria alua na'ikhaigo todo
hato fangandro wondrara dodo
u'sao'o kho zokho

Bosi

Bosi

No'ututuno khou ngaro dodo
fa'omasigu lo fa'awuwu
meha ya'ugo doto nafogu
tuho dodogu salua ba wangifigu

No'uwao no'ututuno memborota
wa ya'o numana lo satua
No'owao todou falo faniasa
nano a'ozu gohito dododa

Fehedeu nakhi no'ube ba dodo
walofatimba khou ndra'o melo halowo
fa'anumana tosasa ba tataogo
darua ita tabu'a wo'omo

Hada'o sitobali taha-taha
me'iwao todou lofamatimba
ebua mbowo i'andro amada
boro mbosi hada silo taya

Ha Ya'ugo

Ha Ya'ugo

No'ufabu'u ba dodogu
walo todogu kho niha bo'o
he oya daha-taha simoi famatimba
no'u'osambalo'o dodogu

He ilau teu ilau lokho
he ilau mbade he duru dano
lo sa'ae todogu ba niha bo'o
ha ya'ugo khogu tuho dodo

Faduhu sibai bakha ba dodogu
walo olifu'o mbu'usa limo
ya lo tebulo-bulo wa'omasimo khogu
simane wa'omasigu khomo

ya lo tebulo-bulo wa'omasimo khogu
simane wa'omasigu khomo

Bologo Dodo Inagu

Bologo Dodo Inagu

Ba heza me ulau mofano

moido ba dano sarou

ba wangalui ohito dodogu

sino tobali fa'aurigu

Ba hiza me ufakholodo

u'tongoni u'tahigo

waniasa zalua nagu

sagoto ba wekoligu

Afokho sa bakha ba dodo

fa'aurigu seroma'okho

ba he'uwisa wanuloni

meno lala khogu ba wa'auri

bologo dodou nagu

mofanodo sa ba mangawulido